Бұл туралы Шығыс Қазақстан облысы ТЖД баспасөз қызметі жазды, деп хабарлайды BAQ.KZ.
2023 жылғы 17 шілдеде сағат 16.43-те Риддер қаласынан 15 км қашықтықта, "Өскемен-Риддер" темір жолының бойында 10 км ұзындықтағы құрғақ шөптер, бұталар мен ағаштар жанды. Өрттің орманға және тұрғын үйлерге таралу қаупі туындады.
Өртті сөндіруге ШҚО ТЖД, орманшылықтардың күштері мен "ҚТЖ "ҰК" АҚ өрт пойызы, ШҚО әуе бөлімшесінің тікұшағы, барлығы 46 адам, 12 бірлік техника жұмылдырылды. Сонымен қатар өртті сөндіруге Риддер қаласының азаматтық қорғау құралымдарынан 9 адам және 3 бірлік техника тартылды. Бір жағынан өзеннің арғы жағынан өрт ошағына жету мүмкін болмады, екінші жағынан бұталар болғандықтан, "ҚТЖ" ҰК " АҚ өрт сөндіру пойызы қажет болды . Көліктер орнында батып, жүре алмады. Жеке құрам өртке жаяу жетуге мәжбүр болды, - делінген таратылған ақпаратта.
Сағат 22.21-де өрт толығымен сөндірілді. Теміржол көлігі қатынасы бұзылған жоқ.
