Нұр-Сұлтан, BAQ.KZ. Жақын арада қазақстандықтар ПИК-тің орнына мүлік иелерінің бірлестігін немесе көппәтерлі үйдің серіктестігін таңдауы тиіс.
Естеріңізге сала кетейік, осы жылдың басынан бастап «Тұрғын үй қатынастары туралы» ҚР Заңына түзетулер күшіне енді. Түзетулерге сәйкес тұрғын үй-коммуналдық шаруашылықты басқарудың жаңа тетіктері қарастырылған. Осылайша аталған саладағы мәселелер елеулі өзгерістерге ұшырамақ. Басты қағида: бір үй - бір бірлестік - бір шот. Бұл принцип әр үйді басқарудың жеке тәсілін ескереді. Сонымен қатар тұрғындарға тек өз үйін күрделі жөндеуге қаражат жинауға, қаражаттың түсуі мен олардың мақсатты жұмсалуын бақылауға мүмкіндік береді.
Бірінші сыбайлас жемқорлыққа қарсы Медиа-орталықтың Шығыс Қазақстан филиалында мүлік иелері бірлестігін мемлекеттік тіркеу мәселелері талқыланды. ШҚО Әділет департаменті басшысының орынбасары Бейсембек Әл-Сейіт Өскемен қаласының ПИК төрағаларымен кездесуде негізгі ұғымдарды түсіндірді. Меншік иелерінің бірлестігін (МИБ) құру үшін заңды тұлға - коммерциялық емес ұйымды тіркеу қажет.
Пәтер иелері жиналыс өткізіп, меншік иелері құрамынан үш жыл мерзімге үй кеңесін сайлауы, сондай-ақ бір жылға МИБ төрағасын сайлауы, үш жыл мерзімге тексеру комиссиясын немесе ревизорды сайлауы, МИБ-нің жарғысын бекітуі, МИБ-ін тіркеу туралы құжаттарды ХҚКО-ға тапсыруы тиіс. Төрт құжат болуы тиіс. Олар МИБ атынан өтініш, меншік иелері МИБ құру және төрағаны таңдау туралы шешім қабылданған жиналыс хаттамасы, үлгілік жарғы және меншік иелерінің бірлестігін тіркеу үшін 1 АЕК мөлшерінде ақы төленгені туралы түбіртек, - деп түсіндірді Бейсембек Әл-Сейіт.
Қазақстандықтар үйді басқарудың мұндай түріне 2021 жылғы 7 қаңтарға дейін көшуге міндетті болғанына қарамастан, егер ПИК кемшіліксіз қызмет көрсеткен жағдайда кейбір тұрғын пәтер иелері кооперативін 2022 жылғы 1 шілдеге дейін қалдыра алады. Алайда мерзім аяқталғаннан кейін ПИК басқарушылар немесе сервистік компаниялар санатына ауысу туралы шешім қабылдауы тиіс.
Бейсембек Әл-Сеит атап өткендей, МИБ төрағасы сервистік ұйымдармен тікелей жұмыс істеуге, олармен шарттар жасасуға және ай сайын ұсынылатын орындалған жұмыс актілері бойынша қызметтерге ақы төлеуге құқылы. Жиналған қаражатты үй кеңесі бақылайды. Жүргізілген жұмыстарды бақылау және бақылау үй тұрғындарына қалады.
Сондай-ақ пәтер иелері үшін МИБ құру мүмкін емес үйлер бар. Ондай жағдайда оның орнына жай серіктестік құру қажет. Бірақ бұл заңды тұлға емес, жеке тұлға болады. Ол үшін барлық меншік иесінің қатысуы қажет. Олар жазбаша сенімхат жазып, сенім білдірген бір адамды таңдап алуға міндетті, - деді Бейсембек Әл-Сейіт.
Талқылау барысында ПИК төрағалары мүлік иелерін біріктіру жүйесінде барлығы бей-жай қарамайтын азаматтардың бастамасына негізделгенін атап өтті.
Қазіргі уақытта үйді басқару процесіндегі тұрғындардың әрекетсіздігі, сондай-ақ төлем жасамайтын тұрғындармен қалыптасқан проблемалар өзекті болып отыр. Бұдан басқа талқылау кезінде МИБ-тің орналасқан жері қайда болу керек, ПИК 2021 жылғы 7 қаңтардан кейін не істеу керек, егер тұрғындар МИБ-ке көшу туралы шешім қабылдаса, ортақ аула аумағын мүлік иелерінің бірлестіктері арасында бөлу қалай болады деген сұрақтар туындап отыр.
Қазір біз алаңдаушылық тудыратын мәселелерге мониторинг жүргізетін боламыз. Осыдан кейін нақты жауаптар алу үшін жергілікті атқарушы органдармен, оның ішінде ТКШ бөлімімен және ПИК төрағаларымен кездесу ұйымдастырамыз, – деп қорытындылады ШҚО бойынша сыбайлас жемқорлыққа қарсы бірінші Медиа-орталық филиалының басшысы Елена Березинская-Әбілова.
