Швеция мен Финляндия НАТО-ға кіруге өтінім берді

Швеция мен Финляндия НАТО-ға кіруге өтінім берді
749

Нұр-Сұлтан, BAQ.KZ. Швеция мен Финляндия елшілері НАТО бас хатшысы Йенс Столтенбергке альянсқа қосылу туралы өтінімді тапсырды, деп хабарлады РИА Новости.

Салтанатты шара ұйымның Брюссельдегі штаб-пәтерінде өтті.

Өткен жексенбіде Швецияның басқарушы социал-демократиялық партиясы әскери блокқа қосылуға өтініш берутуралы шешім қабылданғанын жариялап, елдің кандидатурасы мақұлданған жағдайда, өз аумағында ядролық қару мен әскери база орналастыруға қарсы болатынын атап өтті. Финляндия да сол күні Солтүстік Атлантикалық альянсқа қосылу туралы ресми шешім қабылдады.

Ресей президенті Владимир Путин жақында финляндиялық әріптесі Саули Ниинистемен сөйлесіп, Финляндияның қауіпсіздігіне ешқандай қауіп төнбейтіндіктен дәстүрлі әскери бейтараптық саясатынан бас тарту қателік болатынын атап өткен еді. Оның пікірінше, елдің сыртқы саясатындағы өзгеріс ұзақ жылдар бойы тату көршілік және серіктестік ынтымақтастық бағытында қалыптасқан Ресей-Финляндия қарым-қатынасына кері әсерін тигізуі мүмкін.

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы