Қар үйіндісі Өскемен-Алтай автожолындағы көлік қозғалысын 2 сағаттан астам уақытқа бөгеді, деп хабарлайды BAQ.KZ Ішкі істер ведомствосының баспасөз қызметіне сілтеме жасап.
Автожолдың 63-ші шақырымында таудан қар көшкіні түскені туралы хабарлама алғаннан кейін, взвод командирі Шахмұрат Ержанов жол қозғалысының шектелуіне байланысты көліктер жинала бастаған жерге қарай бет алды. Тәртіп сақшысы мүмкіндігінше жолды босатуға тырысып, басқа автокөлік жүргізушілерімен бірге жолды тазартуға кірісті.
Жол аздап тазартылып кеңейтілген соң, полиция капитаны Ержанов өзінің патрульдік көлігімен 30-дан астам көлікке ілесіп жүріп, оларды қауіпсіз жерге дейін жеткізді, әрі қарай жүргізушілер өз бағыттары бойынша жол тартты.
Оқи отырыңыз:
