Сербия парламентінде (Скупщине) түрлі партиялар арасындағы депутаттар арасында төбелес орын алды, деп хабарлайды BAQ.KZ.
Жергілікті БАҚ мәліметтеріне сәйкес, 4 наурызда Сербия парламентінде көктемгі сессия басталды.
Күн тәртібінде жоғары білім беру туралы заңға енгізілетін өзгерістер мен жастарға арзан баспана кредиттері туралы заң жобасы қаралды.
Күн тәртібін мақұлдағаннан кейін оппозициялық "Жасыл-өңірлік фронт" партиясының депутаты Радомир Лазович тұрып, ел басшылығына қарсы айқайлап президиумға қарай жүрді, артынан партияластары еріп кетті.
Нәтижесінде залдың ортасында депутаттар мен қауіпсіздік қызметінің қызметкерлері мен Сербиялық прогрессивті партияның мүшелері арасындағы қақтығыс болды.
РИА Новостидің хабарлауынша, осы төбелес кезінде оппозициялық депутаттар жарқылдақтар жағып, залды түтін басып кетті.
Парламент спикері Ана Брнабичке су құйылды.
Дегенмен, шу мен тәртіпсіздікке қарамастан, бірінші вице-премьер және қаржы министрі Синиша Мали жоғары білім беру туралы заңға енгізілетін өзгерістер бойынша ұсыныстарды жариялады.
Олардың арасында мемлекеттік университеттерді қаржыландыруды ұлғайту, оқытушылардың жалақысын 16 пайызға көтеру және студенттерге білім алу шығындарының 50 пайызын мемлекет тарапынан өтеу қарастырылған.
