Нұр-Сұлтан, BAQ.KZ. Парламент Сенатының депутаттары Мұратбай Жолдасбаев пен Абдалы Нұралиев жұмыс сапары барысында Шу ауданында болды.
«Депутаттар Алға ауылдық округіндегі «М-КАТ GREEN» ЖШС фотоэлектр станциясы мен «Шу-100 МВт инвестициялық жобасының» құрылыс жұмыстарымен танысты. Сондай-ақ, сенаторлар жергілікті аудандық және облыстық мәслихат депутаттарымен аудан әкімі аппаратының ғимаратында кездесу өткізді. Жиында аудан әкімі өңірдің әлеуметтік-экономикалық жай-күйі мен атқарылып жатқан жұмыстар жөнінде қысқаша баяндап өтті», - деп хабарлайды Сенаттың баспасөз қызметі.
Одан өзге, жұмыс сапары аясында депутаттар Мойынқұм және Рысқұлов аудандарындағы шаруа қожалықтары мен шағын және орта бизнес кәсіпорындарын аралап шықты.
