Қазақстан Республикасы Парламенті Сенаты Төрағасының орынбасары Ольга Перепечина Индонезияда өткен G20 елдері парламенттері спикерлерінің VIII саммитіне қатысты, деп хабарлайды BAQ.KZ.
Ольга Перепечина әріптестерімен тұрақты даму мен жасыл экономиканы жеделдету, тиімді Парламент пен динамикалық демократияны одан әрі құру, әлеуметтік инклюзия мен гендерлік теңдікті нығайту, сондай-ақ әйелдердің мүмкіндіктерін кеңейтудің өзекті мәселелерін талқылады.
Сонымен қатар, саммит барысында парламентшілер G20-ға мүше елдер арасындағы сауда-экономикалық және инвестициялық ынтымақтастықты нығайтуға қатысты сұрақтары мен ұсыныстарын айтты. Кездесу нәтижесінде парламентаралық ынтымақтастық арқылы одан әрі өзара іс-қимыл туралы келісімге қол жеткізілді.
