Семейде өртеніп жатқан қоқыс жәшігінен табылған нәресте жансақтау бөлімінде шетінеп кетті, деп хабарлайды BAQ.KZ.
Бұл туралы балалар омбудсмені Динара Зәкиева желідегі парақшасында мәлімдеді.
Қыз бала 19.40-та көз жұмды. Ауруханаға түскенде денесінің 80%-ын күйік шалған екен. Абай облысындағы бала құқықтары жөніндегі уәкілмен, қылмыстық іс бойынша облыстық прокуратурамен байланыста отырмыз, - деп атап өтті Динара Зәкиева.
Еске салайық, қаладағы шағын аудандардың бірінде өртеніп жатқан қоқыс жәшігінен нәресте табылған.
Деректерге сәйкес, шақалақтың дүниеге келгеніне шамамен бір күн ғана болғаны айтылуда. Денесінің 80%-ын күйік шалған нәресте дереу ауруханаға жеткізілді.
Аталған факт бойынша сотқа дейінгі тергеу жұмыстары басталды.
