Астанада ДЦП диагнозы қойылған 15 жастағы қыз таэквондодан қара белбеу иегері атанды, деп жазады BAQ.KZ.
Эвалина Фасхутдинова «Саламатты болашақ» әлеуметтік жобасының аясында адаптивті таэквондомен айналысады.
Эвелина жүруді 5 жасында үйренді. Таэквондоға 9 жасынан бастап қатыса бастады.
Анасының айтуынша, ол әлі де тұрақты жүруді, жүгіруді және баспалдақпен өздігінен көтерілуді білмейді. Алайда таэквондоның сабақтары оған күрделі “пхумсе” қимылдарын жасауға мүмкіндік берген.
Эвелина өте табанды. Күшті гиперкенезі бар, ол адамға ауыр бағынады. Біз белбеу үшін өте ұзақ дайындалдық. Сабақ уақытында аптасына екі рет, демалыс күндері үш рет жаттығуға барамыз. Ол үйде кез келген бос уақытында өздігінен жаттықты, - дейді Эвелинаның анасы.
Эвелинаның жаттықтырушысы Мирас Садықов спортшыны халықаралық жарыстарға дайындап, кәсіби деңгейге көтеруді жоспарлап отыр.
Менің ойымша, болашақта «пхумсе» санаты олимпиадалық спорт түріне қосылады. Ал жалпы халықаралық жарыстардың бәрі 16 жастан басталады. Эвелина - 15 жаста. Келесі жылдан бастап біз саяхаттай бастаймыз. Жаттығулар көбейеді. Жаттықтырушы ретінде мен Эвелинадан үлкен дайындық пен жанқиярлықты талап етемін. Әркімнің мақсаты болады. Спортшы басқа елдерге барса, ой-өрісі кеңейеді, кәсіпқойлығы артады, – дейді жаттықтырушы.
Ол спортшы қыздың болашағы зор екеніне сенімді.
Эвелина “пхумсе” техникасы бойынша қара белбеуін қорғаған Қазақстандағы алғашқы пара-спортшы болды.
Эвелинаны құттықтауға Samruk-Kazyna Trust әлеуметтік жобаларды дамыту қорының бас директоры Адиева А.Д. және Қазақстан таэквондо федерациясының вице-президенті Сағынаев Қ.Т. мен Олимпиядалық ойындардың таэквондодан қола жүлдегері Арман Чилманов келді.
