Робот көзді ашып-жұмғанша "кубик рубик" құрастырып, рекорд орнатты

Робот көзді ашып-жұмғанша "кубик рубик" құрастырып, рекорд орнатты, деп хабарлайды BAQ.KZ тілшісі . 

АҚШ-тың Индиана штатында орналасқан Пердью университетінің студенттері жаңа әлемдік рекорд орнатып, Гиннестің рекордтар кітабына енді.

Purdubik’s Cube атты робот Рубик кубигін кірпік қағып үлгергенше құрап тастаған. 

Ол әйгілі басқатырғышты бар-жоғы 0,103 секундта жинаған. Бұл көрсеткіш бұған дейінгі рекорд иесі — Mitsubishi Electric компаниясының жапондық роботы орнатқан 0,305 секундтық нәтижеден үш есе жылдамырақ.

Purdubik’s Cube роботында түс тануға арналған машиналық көру технологиясы қолданылады. Сонымен қатар, ол Рубик кубигін жинау процесін барынша жылдам әрі тиімді орындауға мүмкіндік беретін өз алгоритмдерін өздігінен құрастыру қабілетіне ие.

Бұл керемет өнертабыс Индиана штатындағы Вест-Лафайетт қаласында орналасқан Пердью университетінің студенттерінің жетістігі. Олар Электр және компьютерлік инженерия мектебінің студенттері — Мэттью Патрохей, Жүнпей Ота, Аден Хёрд және Алекс Берта.

Адамның көзі 200–300 миллисекундта жыпылықтаса, сіз оның қозғалғанын аңғарғаныңызша оны құрап үлгереміз. Біз "кубик рубикті" 103 миллисекундта құраймыз, — дейді Мэттью.

Мамандардың айтуынша, бұл жетістік жасанды интеллект пен робототехника саласының қарқынды дамып келе жатқанының тағы бір дәлелі.

Еске салайық, бұған дейін ChatGPT әлемдегі ең көп қаралатын сайттар тізіміне енгенін хабарлаған болатынбыз.