Нұр-Сұлтан, BAQ.KZ. Биылғы күзде әлемде коронавирустың таралу қарқыны сәуір айындағы көрсеткіштерден үш есе асып түсті.
Дүниежүзілік денсаулық сақтау ұйымының мәліметтеріне сәйкес, әлемде бір тәулік ішінде анықталған жұқтыру оқиғаларының саны 339 мыңға жақындап келеді.
Ресейде инфекция саны бойынша рекорд тіркелді. Кремль егер эпидемиологиялық жағдай одан әрі нашарласа, бұл жаңа карантин шараларын енгізу туралы талқылауға себеп болады деп ескертті. Мәскеу билігі барлық барларды, түнгі клубтарды және караокені жабу мүмкіндігін қарастырып жатыр.
