Қызылордада жылу орталығына 5 млн теңге айыппұл салынды

Қызылордада жылу электр орталығы тұтынушы құқығын шектеп келген. Кәсіпорынға 5 миллион теңге айыппұл салынды, деп хабарлайды BAQ.KZ.

Прокурорлық тексеру барысында техникалық шарттарға артық талаптар енгізіліп, тұтынушыларға қосымша құрылғыларды орнату міндеттелгені анықталды. Яғни, бұл жылуға жаңадан қосылған әр тұрғын 60 мың теңгеге дейін шығындалды деген сөз. Мекеме басшылығы әкімшілік жауапқа тартылып, заңсыз талаптар қолданыстан алынды.