Бұл туралы Сенат кулуарында Ішкі істер министрінің орынбасары Игорь Лепеха айтты, деп хабарлайды BAQ.KZ тілшісі.
Игорь Лепеха Қызылордада сыныптастары қорлаған оқушы қыздың ісіне қатысты тергеудің егжей-тегжейін айтты.
Қылмыстық іс бойынша 11 адам ұсталды, 2 адам үйқамақта отыр. Бұл оқиға бойынша 13 фигурант анықталды. Оның 11-і ұсталды. Қазіргі таңда бірқатар бап бойынша қылмыстық іс қозғалды. Одан басқасын айта алмаймын. Себебі қылмыстық іс аясында бұл тергеушінің құзыретіне жатады, - деді Игорь Лепеха.
Оның айтуынша, 13 фигуранттың ішінде оқушы қызды жыныстық құлдыққа мәжбүрлегендер мен ұйымдастырушылар да кіреді.
Лепеха 2 адам үйқамақта отырғанын, 11 ұсталғанын нақтылады.
