ІІМ Қызылорда облысында бопсалау қылмысына қатысы бар күдіктілерді ұстады, деп хабарлайды BAQ.KZ Polisia.kz сайтына сілтеме жасап.
Полицейлер Қызылорда облысының тұрғынын әлеуметтік желілерде жеке сипаттағы мәліметтерді жариялаймын деп қорқытқан бопсалаушылар тобын ұстады.
Күдіктілер деректерді жария етпеу үшін жәбірленушіден 7 млн теңге талап еткен. Осы факті бойынша Қызылорда облысының ұйымдасқан қылмысқа қарсы күрес басқармасының қызметкерлері жедел-іздестіру іс-шараларын жүргізіп, нәтижесінде тәуліктік кезекшілік кезінде күдікті ретінде 34, 32, 22 жастағы облыс тұрғындары ұсталды. Айғақты зат ретінде олардан ақша, сигналдық тапанша және жалған қызметтік куәлік алынды. Қазіргі таңда жәбірленушінің намысына тиетін ақпаратты таратамын деп қорқытып, алдын ала сөз байласу арқылы бір топ адам жасаған бопсалау фактісі бойынша сотқа дейінгі тергеу амалдары басталды, - делінген хабарламада.
Күдіктілер уақытша ұстау изоляторына қамалды.
