Солтүстік Қазақстан, «BAQ.KZ» тілшісі. Күнтізбеде көктемнің бірінші күні басталып кеткенімен, Қызылжарда жылу лебі әлі сезіле қойған жоқ. Оның үсіне биыл қар да әдеттегі мөлшерден көп түсті. Иә, Қызылжарға көктем тым кеш келеді. Назарларыңызға шуақты күндерді сағынған қала кейпін ұсынамыз:
Сафуан Шәймерденов атындағы Петропавл қалалық классикалық гимназия – Қазақстан тәуелсіздік алғаннан кейін Қызылжарда алғаш болып ашылған қазақ мектебі.
Николай Погодин атындағы орыс драма театры – Қазақстандағы ең көне театрлардың бірі. 1906 жылы ашылған өнер ордасы 113 жыл бойы көрерменін қойылымдарымен қуантып келеді. Театрдың орнында ертеректе христиан зираты болғаны туралы тарихи құжаттар сақталған. Естір құлаққа түрпідей тисе де, жүздеген күн сайын адам қабірдің үсімен жүріп өтеді. Оны бірі білсе, бірі білмейді.
Петропавлда тарих және сәулет ескерткіштеріне айналған ғимараттар көп. Олардың барлығы заңға сәйкес, мемлекет қорғауына алынған.
Қазақстан халқы Ассамблеясы облыстық филиалының ғимараты. Бұл нысанда Солтүстік Қазақстан облысында тұрып жатқан 100-ден астам ұлт пен ұлыс өкілдерінің мәдени орталықтары шоғырланған.
Әуенді субұрқақ. Көктемнің келуін үнсіз ғана аңсап тұрғандай...
Петропавлдың орталығы – Қазақстан Конституциясы көшесіндегі шағын архитектуралық мүсіндер. Әсіресе жаз мезгілінде шаһарға ерекше көрік беріп тұрады.
Қаланың коммуналдық қызметтері көшелердегі қарды тазалап, көктемнің келуіне өздерінше әзірлік жасап жатыр. Әйтпесе, тау болып үйілген қар – шалшыққа айналып, халықты әбігерге салады.
Қызылжардың кептерлері адамға әбден үйренген. Көпшілік оларды тамақтандыруды әдетке айналдырған. Құстар суретке түсіп те әбден үйреніп алған, ешқайсысы үрікпеді...
Мәңгі алау.
Құстар да көктемді күтіп жүр ...
Петропавл көшелері осындай.
