Нұр-Сұлтан, BAQ.KZ. Қазгидромет 2019 жылдың қыркүйек айына арналған ауа райының алдын-ала болжамын ұсынады.
Арктикалық ауа массаларының белсенді енуіне байланысты айдың басында еліміздің орталық және солтүстік-батыс бөлігінің тұрғындарын бұлтты, жаңбырлы және желді ауа райы күтеді. Түнде 1...6 градус жылыға дейін суытады, кей жерлерде 3 градусқа дейін үсік болуы ықтимал, күндізгі температура 7...15 гардусты құрайды, батыста және орталықта 22 градусқа дейін жылы болады.
Сондай-ақ, ай басында еліміздің шығыс және оңтүстік бөлігі жаңбырлы болады және температура аздап салқындайды: түнде – 7...12 градус, күндіз 18...25 градус жылы болады. Алайда қыркүйек айының басым күндерінде жылы және күн райы ашық болады. Күндіз 25...33 градусқа дейін жылыйды.
Ұзақ мерзімдік болжамға сәйкес, еліміздің солтүстік бөлігіндегі жауын-шашынмен (жаңбырдың жылбысқы қарға ұласуы мүмкін) және түнгі үсікпен кезекті екі суыту толқыны айдың ортасы мен үшінші онкүндікке келеді. Қалған күндерде ауа температурасының күндіз 15...25 градус жылыға дейін қысқа мерізмге жоғарылауы болжанады.
Нәтижесінде Қазақстан территориясының басым бөлігінде орташа айлық ауа температурасы климаттық нормаға жуық, Алматы, Жамбыл, Түркістан облыстарының кей жерлерінде 1°С нормадан жоғары, Солтүстік-Қазақстан және Қостанай, Ақмола, Павлодар облыстарының кей жерлерінде 1°С нормадан төмен болжанады.
Территорияның басым бөлігінде климаттық нормаға жуық, Қызылорда, Түркістан, Жамбыл облыстарында және Алматы облысының басым бөлігінде нормадан аз айлық жауын-шашынның мөлшері күтіледі.
Қыркүйек айына арналған болжамының ықтималдығы 20-80 % құрайды
Ескерту: Синоптикалық жағдайдың өзгеруіне қарай консультативтік болжам айтарлықтай түзетулерге ұшырауы мүмкін.
Ескерте кетейік, жаздың соңғы күніне арналған ауа райы болжамын да ұсынған болатынбыз.
