Қырғызстан аумағында жер сілкінді, деп хабарлайды BAQ.KZ.
Табиғи апатты Еуропалық-жерорта теңізі сейсмикалық орталығы тіркеген.
Жер сілкінісі жексенбі күні жергілікті уақыт бойынша 23:44-те болды. Жер сілкінісінің ошағы Ош қаласынан оңтүстік-шығысқа қарай 137 шақырым және Нооката қаласынан оңтүстік-шығысқа қарай 127 шақырым қашықтықта тіркелді, - делінген ақпаратта.
Тереңдігі - 10 км. Магнитудасы - 4,6 балл.
Қазіргі сәтке дейін жапа шеккендер туралы мәлімет түспеген. Құтқару қызметі жағдайды бақылауда ұстап отыр.
