"Қазақстан темір жолы" АҚ, L. A. C. Holding(Венгрия) және Xi ' an Free Trade PortConstruction and Operation Co., Ltd (Қытай)Көлік және логистика саласындағы ынтымақтастық туралы меморандум жасасты, деп хабарлайды BAQ.KZ "ҚТЖ" ҰК" АҚ баспасөз қызметіне сілтеме жасап.
Құжатқа Будапештте Мемлекет басшысы Қасым-Жомарт Тоқаевтың Венгрияға мемлекеттік сапары аясында қол қойылды.
Тараптар Будапешт қаласында бірлескен интермодальды жүк терминалын құруға келісті.Венгрия астанасында Еуропа бойынша мультимодальды тасымалдауды жүзеге асыру үшін дамыған көлік желісі бар. Қуаттылығы жылына 230 мың ЖФЭ терминалы ТХКБ бойынша транзитті қоса алғанда, Қытай –Еуропа – Қытай бағытымен контейнерлік пойыздардың санын ұлғайтуға мүмкіндік береді. Жобаны іске асыру жеткізу мерзімдерін қысқартуға, тасымалдардың өзіндік құнын және шамадан тыс жүктеме уақытын төмендетуге ықпал ететін болады.
ҚТЖ шетелде өзінің қатысуын белсенді түрде кеңейтуде. Негізгі көлік дәліздері бойында терминалдық желіні қалыптастыру Мемлекет басшысының Еуразиядағы тораптық транзиттік хаб ретіндегі Қазақстанның позициясын күшейту бойынша алға қойған маңызды міндетін шешуге ықпал етеді.
