Қостанай облысында ТЖМ қызметкерлері жоғалып кеткен малшыны тапты, деп хабарлайды BAQ.KZ Төтенше жағдайлар министрлігіне сілтеме жасап.
112 пультіне Жангелді ауданының Шилі ауылынан мал бағуға шыққан 1970 жылы туған ер адамның жоғалып кеткені туралы хабарлама келіп түскен.
ТЖМ құтқарушылары жоғалған малшыны Шилі ауылынан 60 шақырым қашықтықтағы Кенесары қыстағынан тауып алды. Ер адам зардап шеккен жоқ, - деп атап өтті ведомстводан.
ТЖМ дауылды ескертулерге назар аударып, ауа-райы нашарлаған жағдайда елді мекеннен тыс жерге жолға шықпауға кеңес береді.
