Қостанай облысында бес адамнан коронавирус инфекциясы анықталды. Егде жастағы бір науқас аурханаға жатқызылды, деп хабарлайды BAQ.KZ Хабар24-ке сілтеме жасап.
Қалғандарының жағдайы тұрақты. Олар амбулаториялық түрде ем қабылдап жатыр. Дәрігерлердің сөзінше, короновирус қазір жаппай індет түрінен, тұмау сияқты маусымдық ауруға айналып барады. Сондықтан одан сақтану үшін вакцина алу маңызды. Аймақта дәрі-дәрмек қоры жеткілікті.
Коронавирус инфекциясына қарсы екпені кез-келген уақытта алуға болады. Қазір бізде синофарм вакцинасының 28 мың құтысы бар. Сондай-ақ, тұмауға қарсы 85 мың құты вакцина сатып алынды. Екпе егу науқаны екінші қазанда басталады, - деді Облыстық санитарлық-эпидемиологиялық бақылау департаментінің бөлім басшысы Айгерім Қалиева.
