Лисаков қаласында тұратын 8 жасар балаға дене жарақатын салу фактісі бойынша полиция сотқа дейінгі тергеп-тексеруді бастады, деп хабарлайды BAQ.KZ.
Қостанай облыстық ПД мәліметінше, бала демалыстан шыққаннан кейін сабаққа келмеген соң дабыл қаққан.
«Қазіргі уақытта болған оқиғаның мән-жайын анықтау үшін барлық қажетті тергеу іс-шаралары жүргізіледі (жауап алу жүзеге асырылады, сараптама тағайындалады).Бала туралы ақпарат ағымдағы жылдың 3 сәуірінде қорғаншылық органдары мен мектеп әкімшілігінің өкілдерінен келіп түсті, себебі бала демалыстан кейін сабаққа бармаған», - делінген ПД хабарламасында.
Баланың денсаулығын қорғаумақсатында ювеналды полиция қызметкерлері оны арнайы әлеуметтік қызметтерге мұқтаж балаларды қолдау орталығына орналастырды.
Қазіргі уақытта ол биологиялық әкесімен бірге.Тергеу бақылауға алынды.
