Алматы, BAQ.KZ. 2020 жылғы қаңтардағы Қазақстан Республикасының ЕАЭО елдерімен өзара саудасы 1418 млн АҚШ долларын құрады. Бұл туралы Статистика комитеті мәлімдеді.
Бұл көрсеткіш 2019 жылғы қаңтармен салыстырғанда 3,4% артық, соның ішінде экспорт – 421,6 млн АҚШ доллары (0,4% көбейді), импорт – 996,4 млн АҚШ доллары (4,8% көбейді).
Қазақстан Республикасының ЕАЭО елдерімен сыртқы сауда айналымы жалпы көлемінде Ресей Федерациясына – 92,5%, Қырғызстан Республикасына – 4,1%, Беларусь Республикасына – 3,3%, Армения Республикасына – 0,1% келеді.
