HeadHunter сайтына жүргізілген зерттеудің нәтижесі қазақстандықтардың жартысына жуығы басқа салада еңбек еткісі келетінін анықтады, деп хабарлайды BAQ.KZ тілшісі.
Жұмыс берушілер талаптарына сәйкес келетін адамды табу үшін платформаның көмегіне жүгінеді.
Сауалнама 3 шілде мен 23 шілде аралығында өтті. Оған сайтқа түйіндеме жіберген 875 жұмыс іздеуші қатысты.
Олардың 10%-ға жуығы өз мамандығына көңілі толмайды. Ал жартысына жуығы қазіргі қызметін сұранысқа ие жұмысқа ауыстыруға ниетті.
Оған бірнеше себеп бар:
жалақының көптігі;
жұмысқа орналасу мүмкіндігінің жоғары болуы;
тиімді жұмыс кестесі;
жұмыс орнының тұрақты болуы;
Сұранысы жоғары мамандықтар тізімі келесідей:
кондитер;
тігінші;
наубайшы;
аспаз;
механикалық инженер;
электрик;
автомеханик;
ағаш ұстасы;
жүргізуші.
Сауалнамаға қатысқандардың 57% жұмыс орнын ауыстыруға дайын болмай шықты.
Негізгі себептері мынадай:
жалақының төмендеуінен қорқу;
жаңа мамандықты игеруге деген құлшыныстың жоқтығы;
қазіргі қызметі бойынша өз жоспарының болуы;
Назерке Өтеген
