Атом электр стансасын салу елімізде даулы мәселе екені белгілі. Бірі оны ел дамуының ажырамас бөлігі деп есептесе, бірі атом мен жарылыс егіз ұғым деп санайды. Сондықтан журналистерге арналған пресс-тур аясында көрші Қытай еліндегі атом электр стансаларының жұмысымен танысып қайтуды жөн санадық, деп хабарлайды Қытайдағы BAQ.KZ тілшісі.
![Қазақстандағы АЭС: Қытай үміткер болуға лайық па?](/userfiles/images/IMG_20231127_142053.jpg)
Қытайдағы АЭС жұмысымен танысуға Қытай ұлттық атом корпорациясының (CNNC) Қытай атом энергиясының инжиниринг компаниясында (CNPE) өткен кездесу септігін тигізді.
![Қазақстандағы АЭС: Қытай үміткер болуға лайық па?](/userfiles/images/IMG_20231127_152656.jpg)
2023 жылдың 15 қазанындағы дерек бойынша, Қытай аумағында жалпы қуаты 57 625 мегаватты (МВт) құрайтын 56 атом энергоблогы бар. Сондай-ақ 24 атом энергоблогы салынып жатыр және тағы 7 блокты салу мақұлданды, – деді CNNC Overseas компаниясының бас директорының орынбасары Фей Джисун кездесу барысында.
Бүгінде Қытай – әлем бойынша атом энергоблоктары ең көп салынып жатқан мемлекет. Олар Hualong One деп аталатын АЭС салу технологиясын жасап шығарған.
Түсіндіре кетейік, бір атом стансасында 1-ден 8-ге дейін энергоблок болуы мүмкін. Әрбір энергоблоктың ішінде бір реактор болады. Ал реактор негізінен ураннан жасалатын отынмен жұмыс істейді.
![Қазақстандағы АЭС: Қытай үміткер болуға лайық па?](/userfiles/images/photo_5418198370750680738_y.jpg)
Атом энергиясы – экологиялық таза әрі төмен көміртекті энергия көзі. Оны CNPE компаниясының бас директорының орынбасары Мао Явей өз мысалмен түсіндіріп кетті.
![Қазақстандағы АЭС: Қытай үміткер болуға лайық па?](/userfiles/images/IMG_20231127_161054.jpg)
Мысал үшін қуаты 1200 МВт-ты құрайтын бір Hualong One АЭС-ін алсақ, ол жылына шамамен 10 млрд кВт*с экологиялық таза электр энергиясын өндіреді. Бұл энергия көлемі 1 млн халқы бар орташа дамыған елдің электр энергиясына өндірістік және тұрмыстық қажеттілігін толық өтей алады. Ол дегеніміз – 3,12 млн тонна кәдімгі көмірді тұтынуды қысқарту және 70 млн ағашы бар орманның қалпына келуі деген сөз, – деді ол.
Өйткені атом энергиясы – ауа райына, маусымға және басқа да қоршаған орта факторларына әсер етпейтін энергияның негізгі жүктемесінің қауіпсіз және тиімді көзі.
![Қазақстандағы АЭС: Қытай үміткер болуға лайық па?](/userfiles/images/IMG_20231127_142123.jpg)
Еске сала кетсек, Қазақстанда АЭС мәселесі сарапшылар мен қоғамның белсенді өкілдерімен талқыланып жатыр. АЭС салу - Жалпыұлттық референдум арқылы шешіледі.
Президент Қасым-Жомарт Тоқаев атом электр станциясын салу немесе салмау мәселесі – бұл еліміздің болашағына қатысты аса маңызды мәселе деген болатын.
Жалпыұлттық референдум арқылы шешкен жөн деп санаймын. Нақты мерзімін кейін анықтаймыз, - деді Президент.