Сенатор Геннадий Шиповских TikTok-тағы контент адам өміріне қауіпті екенін айтып, оны бұғаттауды ұсынған болатын. Премьер-министр Олжас Бектенов бұл мәселеге қатысты Үкіметтің ұстанымын айтты, деп хабарлайды BAQ.KZ тілшісі.
Жас пайдаланушыларды зиянды контенттен қорғау мақсатында платформа тіркелу формасын әзірледі. Онда толық туған күнін көрсету қажет, өйткені TikTok 13 жасқа толмаған пайдаланушыларға арналмаған. Платформа автоматты түрде және қолмен модерациялауды қолдана отырып, көрсетілген контентті анықтау және шектеу үшін алгоритм әзірледі, - делінген ресми жауапта.
Автоматты модерация бекітілген бірыңғай ережелерді контенттің белгілі бір түрлерін таниды және жедел шаралар қабылдауға мүмкіндік береді.
Контентті модерациялаудың екінші әдісі TikTok пайдаланушылардан «шағымдану» функциясына сәйкес түсетін шағымдарға негізделген.
Аккаунт иелері 13 жасқа толмаса, онда жойылған есептік жазбаларды жойып, олардың санын көпшілікке жария еткен алғашқы ірі платформа TikТok болды. 2024 жылдың қаңтар-тамыз айлары аралығында TikTok 13 жасқа толмаған пайдаланушыларға тиесілі Қазақстандағы 1 239 635 есептік жазбаны жойды, ал өткен жылы олардың саны 1 842 467 есептік жазба болды, - деді Олжас Бектенов.
TikTok қосымшасы 12+ рейтингіне ие, бұл ата-аналарға мобильді құрылғыдағы ата-ана бақылауы құралдары арқылы баланың қосымшаны жүктеуіне жол бермейді.
13 жасқа толған жасөспірімдердің ата-аналары үшін TikTok сонымен қатар балалардың онлайн өміріне белсенді қатысуға мүмкіндік беретін ата-ана бақылауы құралдарын ұсынады. «Отбасы параметрлері» арқылы ата-ана параметрлерді басқару үшін өз есептік жазбасын жасөспірімнің есептік жазбасымен байланыстыра алады. Мысалы, экран уақытын шектеу, есептік жазбаның құпиялылық параметрлері, жеке хабарлама параметрлері және т.б..
Уәкілетті орган құқық қорғау органдарымен және арнаулы мемлекеттік органдармен бірлесіп, заңсыз контентті табу және жою алгоритмін жақсарту мақсатында тұрақты негізде TikTok өкілдерімен жұмыс кеңестерін өткізеді. Нәтижесі бойынша модерация мүмкіндіктерін арттыру үшін жаңа технологияларды енгізу бойынша ұсыныстар әзірлеу жүзеге асырылып келеді, - делінген Үкімет басшысының депутаттарға берген ресми жауабында.
Бұған дейін депутаттар TikTok-ты шектеуді немесе жауып тастауды ұсынған еді.
