Қазақстан 2023-2024 жылдары Үндістаннан келген бизнес-туристер үшін ең сүйікті MICE-дестинация болып танылды, деп хабарлайды BAQ.KZ.
Kazakh tourism телеграм арнасының мәліметінше, тиісті номинация the MICE Conference Expo & Awards (tmcca) 6-шы жыл сайынғы рәсімі аясында жарияланды.
Марапаттарды MICE Affairs журналының редакторлары береді.
Салтанатты рәсім MICE-Индустрия үшін маңызды оқиға болып табылады, онда нарықтың жетекші өкілдері өзекті трендтерді талқылау, іскерлік кездесулер өткізу және саланың үздік ойыншыларын тану үшін жиналады.
Kazakh Tourism атынан марапатты Үндістандағы компанияның өкілі Прашант Чодри "MICE Affairs Media Group" бас директоры Сачин Маночаның қолынан қабылдады. Ол өткен жылы "Kazakh Tourism "ҰК"АҚ ұйымдастырған сапары аясында Астана және Алматы қалаларына барды.
MICE - конференциялар, конгрестер, көрмелер және өзге де іскерлік іс-шаралар индустриясы Қазақстан мен Үндістан арасындағы ынтымақтастықтың перспективалы бағыттарының бірі саналады.
