Астанада өткен форумда Қазақстан мен Ауғанстан 190 миллион долларға бағаланған келісімшартқа қол қойды, деп хабарлайды BAQ.KZ тілшісі.
Бұл Қазақстан, Пәкістан, Үндістан және Шығыс елдері арасындағы алтын көпір, – деді Сауда министрі Серік Жұманғарин.
Қазақстан мен Ауғанстан арасындағы тауар айналымы 2022 жылы іс жүзінде 1 млрд долларға жетіп, 2021 жылғы көрсеткіштерден екі есеге артты. Тауар айналымында экспорттың 90% Қазақстанға тиесілі.
Сондай-ақ Жұманғарин Қазақстан ауған студенттерін оқыту бойынша білім беру бағдарламаларын іске асыруға дайын екенін мәлімдеді.
