Қазақстан азаматтары үшін Пәкістанға бару визасы тегін болды, деп хабарлайды BAQ.KZ.
14 тамыздан бастап Пәкістан билігі 126 елден келген, соның ішінде Қазақстан азаматтары үшін виза алымынан бас тартты.
Бұрын виза құны сапардың мақсаты мен жиілігіне байланысты 25 доллардан 200 долларға дейін болатын.
126 елге виза туристік және іскерлік мақсатта 24 сағат ішінде тегін беріледі. Ел премьер-министрі Шехбаз Шарифтің айтуынша, визалық режимді жеңілдету Пәкістанды инвестиция мен туризм үшін тартымды жерге айналдыруға көмектеседі.
