Премьер-Министрдің орынбасары – Қаржы министрі Ерұлан Жамаубаев ведомствоның кеңейтілген алқа мәжілісінде бюджет тапшылығын қалай азайтатынын айтты, деп хабарлайды BAQ.KZ ҚазАқпарат-қа сілтеме жасап.
Биыл бюджет тапшылығының ЖІӨ-ге қатынасы өткен жылмен салыстырғанда 3,3 пайыздан 2,7 пайызға дейін төмендеді. Бұл мемлекеттік қарыздың шамадан тыс өсуін тежеуге мүмкіндік береді. Өйткені тапшылықты қаржыландыру негізінен ішкі нарықта жоспарланады, - деді министр.
Министр ішкі өтімділік жетіспеген жағдайда халықаралық қаржы ұйымдарынан қарыз тарту және сыртқы нарықтарға облигациялар шығару сияқты құралдар қолдану тәжірибесі бар екенін еске салды.
Мемлекеттік бағалы енгізу, сондай-ақ Қазақстанның қор нарығына Euroclear клиринг палатасын тарту жұмысы жалғасады. Бұл бюджет тапшылығын қаржыландыруға қосымша өтімділік береді, - деді Ерұлан Жамаубаев.
