Қарғалы су жинағышының құрылысы биыл аяқталады – Алматы

14 Шілде 2022, 02:47
1473
Бөлісу:
Қарғалы су жинағышының құрылысы биыл аяқталады – Алматы

Нұр-Сұлтан, BAQ.KZ. Алматыдағы Қарғалы су жинағышының құрылысы осы жылдың соңына дейін аяқталады, деп жазды 24.kz.

Бұл Наурызбай ауданының тұрғындары асыға күтіп отырған жоба. Ол жайында бүгін «Амаnat» партиясы Алматы қалалық филиалының Саяси кеңес бюросы мен Алматы қаласы мәслихатындағы депутаттық фракциясының кеңейтілген отырысында айтылды.

Наурызбай ауданында 150 мыңнан астам тұрғын бар. Біразы судан таршылық көріп келеді. Енді Қарғалы су жинағышы іске қосылса 35 мыңнан астам адам таза ауыз сумен қамтамасыз етіледі. Сондай-ақ биыл Ақсай өзенінде де ауыз сумен қамтитын жоба құрылысы басталады.

Алматының орналасу рельефі күрделі. Сондықтан жаңбыр суынан қалада 102 аумақты үнемі су басып қалатыны анықталды. Жыл соңына дейін 56 аумақтың су басу қаупі жойылады. 12 коллектор қойылып, 75 шақырым арық желісі қайта жөндеуден өтеді. Су, кәріз жүйесінің жұмысын қадағалау «ЭКО Алматы» бірыңғай операторына беріледі, – қала әкімінің орынбасары Әлішер Әбдіқадыров.

Өзгелердің жаңалығы