Қарағанды облысында трассада жолаушылар автобусы өртенді, деп хабарлайды BAQ.KZ.
Төтенше жағдайлар министрлігі таратқан ақпаратқа сәйкес, оқиға Қарағанды облысы Бұқар жырау ауданында «Қарағанды-Аягөз-Бұғаз» тас жолының 27 шақырымында болған.
Жолаушылар автобусының мотор бөлшегінің жануы орын алды. Өрт кезінде автобуста 15 жолаушы болған, оның ішінде 7 бала көліктен өздіктерінен шыққан. Қаза тапқандар мен зардап шеккендер жоқ, - делінген хабарламада.
Өрттің алдын ала себебі – электр сымдарының қысқа тұйықталуы.
