Қарағанды облысында балық шаруашылығы белсенді дамып келеді, деп хабарлайды BAQ.KZ.
Нұра-Сарысу бассейнінде бір ірі балық питомнигі және бекіре тұқымдас балық түрлерін өсіретін бір кәсіпорын бар.
Балық өнімділігін арттыру және табиғи су қоймаларының гидробиологиялық тепе-теңдігін сақтау үшін 1974 жылы Солонички станциясының жанында Қарағанды балық питомнигі құрылды.
Питомниктің негізгі міндеттері сапалы балық отырғызу материалын өндіру және су объектілерінің балық ресурстарын толықтыру болып табылады.
«Қарағанды-осетр» ЖШС 2013 жылы құрылған және 2015 жылдан бастап толық қуатында жұмыс істейді. Сібір бекіресінің аналық табыны түріндегі өзіндік биологиялық активтері бар.
