Күрделі операцияны Х. Мақажанов атындағы Қарағанды көпсалалы ауруханасының нейрохирургтары жүргізді, деп хабарлайды BAQ.KZ.
Медициналық сақтандыру қорының Қарағанды филиалының мәлімдеуінше, олар 64 жастағы науқасты ми ісігінен құтқарды. Мұндай операциялар пациенттерге тегін медициналық көмектің кепілдік берілген көлемі бойынша да, міндетті әлеуметтік медициналық сақтандыру жүйесі шеңберінде де қолжетімді.
Менде үшінші дәрежелі онкология болды, аналық безімде қатерлі ісік табылды. Соңғы алты айда басым үнемі ауырып, кейде қолдарымды қозғалта алмадым. Миымда метастаздар анықталды. Осы клиникаға ота жасауға жіберді, – деді Н. Күлнәр .
Науқас 28 мамырда ауруханаға жатқызылып, келесі күні оған ота жасалды.
Ісікті жою кезінде біз интраоперациялық нейромониторингті қолдандық. Бұл озық технология бүкіл әлемде орталық жүйке жүйесіне операция жасау кезінде "алтын стандарт" болып табылады. Бұл араласу кезінде мидың әлеуетін бақылауға мүмкіндік береді, – деп атап өтті нейрохирургия бөлімшесінің меңгерушісі Нұрлан Жұмаділов.
Оның айтуынша, әрбір нақты жағдай ерекше және пациенттің өмірі үшін әрқашан жеке шешім қабылдау керек.
Бұл жағдайда ісік аз болды, бірақ мидың ісінуінен өлім қаупі болды.
Науқас операциядан кейін түзетуге барады, оған оңалту курсы қажет.
