Жетісу облысында қар құрсауында қалған ер адам құтқарылды, деп хабарлайды BAQ.KZ.
Төтенше жағдайлар министрлігінің мәліметіне сәйкес, облыстық 112 қызметіне қар құрсауында қалып, өз бетінше шыға алмай жатқан ер адам туралы хабарлама келіп түскен.
Түн ішінде үйге бара жатып, көлігінің ақаулығынан тұрып қалған ер адамдарды құтқарушылар Алакөл ауданының Қабанбай ауылынан 20 шақырым жерден тапты. Құтқарылған аман-есен жақын орналасқан елді мекенге жеткізілді. Медициналық көмекке мұқтаж болған жоқ, - делінген хабарламада.
ТЖМ ауа-райының қолайсыздығында жолға шықпауға кеңес береді.
