Мемлекет басшысы АҚШ президенті Дональд Трампқа көңіл айту жеделхатын жолдады, деп хабарлайды BAQ.KZ Ақордаға сілтеме жасап.
Қасым-Жомарт Тоқаев Вашингтонның Рональд Рейган атындағы Ұлттық әуежайы маңында болған ұшақ апатынан көптеген адамның қаза тапқаны туралы суыт хабарды терең күйзеліспен қабыл алғанын жеткізді, - делінген Ақорда хабарламасында.
Мемлекет басшысы АҚШ Президенті Дональд Трампқа, қайтыс болған жандардың отбасыларына және қайғылы оқиғадан зардап шеккен азаматтарға Қазақстан халқының және өзінің атынан көңіл айтты.
Еске салсақ, Вашингтонда ұшақ пен тікұшақ соқтығысып, өзенге құлады. Апатқа ұшыраған ұшақ бортында 64 адам болған, оның ішінде 60 жолаушы және 4 экипаж мүшесі болған.
