Қасым-Жомарт Тоқаев Қостанай қаласындағы балаларға арналған IQostanay smart орталығының қызметімен танысты, деп хабарлайды BAQ.KZ.
Қазіргі уақытта мұнда екі мыңға жуық оқушы қосымша білім алады. Өскелең ұрпақтың игілігі үшін 24 үйірме жұмыс істейді.
![Президент балаларға арналған IQostanay smart орталығын аралап көрді](/userfiles/images/photo_5404857772832579520_y.jpg)
Оқушылар сарайында жоғары технологиялық құралдармен жабдықталған киберспорт, инженерия, авиамодельдеу кабинеттері, жаңартылатын энергия көздері, химия және физика-техникалық зертханалары, сондай-ақ мәжіліс, оқу және хореография залдары бар.
![Президент балаларға арналған IQostanay smart орталығын аралап көрді](/userfiles/images/photo_5404857772832579522_y.jpg)
Орталықтағы робот техникасы, инженерия және авиамодельдеу үйірмелеріне қатысатын балалар Президентке өз жобаларын таныстырып, виртуалды зертханада тәжірибе жасап көрсетті.
![Президент балаларға арналған IQostanay smart орталығын аралап көрді](/userfiles/images/photo_5404857772832579526_y.jpg)
![Президент балаларға арналған IQostanay smart орталығын аралап көрді](/userfiles/images/photo_5404857772832579523_y.jpg)
Болашақта өз білім-біліктеріңізді іске асыруға мол мүмкіндік бар деп ойлаймын. Өйткені мұның бәрі қазіргі заманда, экономикада және басқа да салаларда сұранысқа ие. Біз уақыт талабына сай технологияны меңгерген ұлтқа айналуымыз қажет. Елімізге отандық технологияны дамытатын сіздер секілді азаматтар керек, – деді Мемлекет басшысы.
![Президент балаларға арналған IQostanay smart орталығын аралап көрді](/userfiles/images/photo_5404857772832579528_y.jpg)
Оқушылар Қасым-Жомарт Тоқаевқа техникалық мамандықтарға арналған білім гранттарын көбейткені үшін рақмет айтты.