Полицейлер 6 мыңнан астам көлікке жол бастап жүрді

3 Қаңтар 2024, 18:20
849
Бөлісу:
Полицейлер 6 мыңнан астам көлікке жол бастап жүрді
Фото: Polisia.kz

Жаңа жылдың алғашқы күндерінде патрульдік полицейлер 6 мыңнан астам көлікке жол бастап жүрді, деп хабарлайды BAQ.KZ Polisia.kz сайтына сілтеме жасап. 

Жаңа жылдың алғашқы күндерінде қала сыртындағы трассаларда 6 мыңнан астам автокөлікті патрульдік полицейлер алып жүрді. Қолайсыз ауа райында жолдағы қауіпсіздік үшін ІІМ қозғалысты тоқтатуды, сондай-ақ жолда көліктерге жол көрсетіп, автокөлікпен ілесіп жүруді қамтамасыз етеді. 

Тәулік сайын қала сыртындағы жолдарда мыңнан астам патрульдік полиция қызметкері қызмет атқарды. Олар 250-ден астам патрульдік маршрутқа қызмет көрсетеді. 

Мәселен, өткен жылдың 28 желтоқсанынан бастап жаңа жылдың 3 қаңтарына дейін 42 мың автокөлікті алып жүру ұйымдастырылды. 

Жаңа жыл қарсаңында және 2024 жылдың алғашқы күндерінде патрульдік экипаждар 6 мыңнан астам көлік пен 15 мың азаматты жол жүру орнына дейін алып жүрді. 

Бұл ретте жолды жабу туралы талаптарға бағынбаған 8 жүргізуші әкімшілік жауапкершілікке тартылды.

Өзгелердің жаңалығы