Петропавлда полицейлер су тасқыны аймағында қалған қарт күзетшіні құтқарды, деп хабарлайды BAQ.KZ Polisia.kz-ке сілтеме жасап.
Речпорт аймағында күзетші болып жұмыс істейтін 64 жастағы қала тұрғыны су қалып қойды. Дауыл ағыны оны құрлықтан кесіп тастады. Күзет агенттігінің директоры қызметкерді эвакуациялауға үлгермей қалды. Содан кейін ол айналма жолда кезекшілік атқарып тұрған полицей Константин Сычевке жүгінді. Ол болған оқиға туралы ақпаратты Петропавл қаласы полиция басқармасының бастығы Марат Жұмалиевке баяндап берді.
Су қарқыны қатты болды, әр минуттық кідіріс адам өміріне қауіп төндірді. Жұмалиев дереу ПБ қызметкерлерімен және Заречный кентінің ауданындағы тәртіп сақшыларының қарамағында тұрған үш моторлы қайықтың бірімен сол жерге жетті Қаладық ЖПҚ бөлімшесі бастығының орынбасары Жақсылық Байбосыновтың басшылығымен тәртіп сақшылары 300 келілік кемені үйінді бөгет арқылы қолдарына алып өтті. Полиция қызметкерлері Азат Исаев пен Нұрлан Көкабаев қайыққа отырды. Таяз тереңдікке байланысты ескекпен жүруге тура келді.\
Күшті ағынмен жүріп, олар күзетші құтқаруды күтіп тұрған қақпаға жүзіп, оны жағаға аман-есен жеткізді. Операция шамамен 8 минутқа созылды. Осы уақыт ішінде су деңгейі кем дегенде 4 метрге дейін көтерілді. Петропавл полициясының балансында қала әкімдігі берген 5 қайық бар. Қазіргі уақытта олардың барлығы су тасқынына қарсы іс-шараларға қолданылып жатыр.
