Энергетика қадағалау комитеті аумақтық департаментінің өкілдері Павлодардағы ЖЭО-ларға барды, деп хабарлайды BAQ.KZ.
Энергетика министрлігі баспасөз қызметінің хабарлауынша, Атомдық және энергетикалық қадағалау мен бақылау комитеті Павлодар облысы бойынша аумақтық департаментінің өкілдері энергетикалық кәсіпорындардың алдағы күзгі-қысқы кезеңге дайындығын бақылау шеңберінде Павлодар қаласының барлық ЖЭО-сына барды.
Департамент қызметкерлері энергетикалық жабдықтардың ағымдағы жай-күйімен, жөндеу науқанынан өтуімен танысты. Энергия кәсіпорнының басшылығымен жылыту маусымының, қазандықтар мен турбиналардың авариялық тоқтауларының өтуінің өзекті мәселелері, алдағы жылыту маусымына дайындық шеңберінде жөндеу жұмыстарын уақтылы, сапалы жүргізу тәуекелдері талқыланды.
«Павлодарэнерго» АҚ 2-ЖЭО бойынша №1 және №3 екі қазандық агрегатын, №2 және №3 екі турбоагрегатын жөндеу жоспарланған.
№1 бір қазандық агрегаты 2023 жылдың 1 шілдесіне дейін жөндеуде, жұмыс көлемінің нақты орындалуы – 68%. Жөндеу персоналының 28 адамы жұмылдырылған.
Қалған жабдықтар бойынша жөндеу жұмыстары шілде айында басталады.
«Павлодарэнерго» АҚ 3-ЖЭО бойынша №2, 4, 6 үш қазандық агрегатын және 2 №2, 3 екі турбоагрегатты жөндеу жоспарланған.
Қазір №4 қазандық агрегаты жөнделіп жатыр. Қосымша жұмыстардың болуына байланысты аяқталу мерзімі 2023 жылғы мамырдың ортасынан 12 маусымға ауыстырылды, жұмыстардың нақты орындалуы – 85%, жөндеу персоналының саны - 37 адам. Сондай-ақ №3 турбоагрегат 2023 жылдың 19 маусымына дейін жөнделуде, жұмыстың орындалуы – 57%, 7 адам жұмылдырылған, - делінген баспасөз хабарламасында.
«Павлодарэнерго» АҚ басшылығына бірқатар проблемалық мәселелерге назар аудару қажеттігі айтылды. Жөндеу персоналының санын көбейту қажет. 2-ЖЭО және 3-ЖЭО қазандықтары бойынша ауа жылытқышы мен су экономайзерінің текшелерін ауыстырудың тиісті көлемі жөндеу науқанына кірген жоқ. Сондай-ақ жеткізілген көмір үшін бар берешекті өтеу бойынша жұмысты жеделдету қажет.
«Қазақстан алюминийі» АҚ 1-ЖЭО-да №7 және 8 екі қазандықты және №1 бір турбоагрегатты жөндеу жоспарланған.
№7 қазандық 2023 жылдың 10 шілдесіне дейін жөндеуде, орындалуы – 51%, 123 адам тартылған, №8 қазандық 2023 жылдың 29 тамызына дейін жөндеуде. №2 қазандыққа ағымдағы жөндеу жүргізілді.
№ 7 және №8 қазандықтар бойынша жөндеу жұмыстары графиктен артты қалып жатқаны ескертілді.
Жөндеу кампаниясының өтуі және Павлодар қаласының ЖЭО-лары алдағы күзгі-қысқы кезеңге дайындығы Атомдық және энергетикалық қадағалау мен бақылау комитетінің Павлодар облысы бойынша аумақтық департаментінің тұрақты бақылауында.
