Павлодардағы жағажайда екі әйел жанжалдасып, біреуі пышақ жарақатын алды

Павлодардағы жағажайда екі әйел жанжалдасып, біреуі пышақ жарақатын алды
660

Нұр-Сұлтан, BAQ.KZ. Павлодардағы жағажайда әйел адам пышақ жарақатын алды, деп хабарлайды Pavlodarnews.kz.

Облыстық жедел жәрдем станциясы баспасөз қызметінің мәліметінше, қоңырау 25 маусымда сағат 17:00-де Усолка жағажайынан түскен.

Әлеуметтік желілерде жариялаған куәгерлердің айтуынша, жағажайда демалу кезінде екі әйел ұрысып қалған. Қақтығысты жанжал кезінде біреуі екіншісінің мойнына пышақ салып, жәбірленуші есінен танып қалған.

Жедел жәрдем бригадасы оны жарақатпен бірінші қалалық ауруханаға жеткізді.

Хирургтың тексеруінен кейін ауруханаға жатқызуға ешқандай дәлел жоқ екені белгілі болды. Жағдайы тұрақты, оны амбулаториялық емдеуге жіберді, – деп хабарлады облыстық денсаулық сақтау басқармасы.

Полиция бұл фактіні тіркеді. Өңірлік полиция департаментінің баспасөз қызметі оқиғаның мән-жайын анықтап жатыр деп түсінік берді.


Фото: дереккөз