Павлодардағы көпқабатты үйден 6 адам құтқарылды
Павлодар қаласында бес қабатты тұрғын үйдің төртінші қабатындағы пәтерден өрт шығып, құтқарушылар 6 адамды, оның ішінде бір баланы қауіпсіз жерге шығарды.
Кеше 2026, 23:55
195
Фото: pixabay
Павлодар қаласындағы Ледовский көшесінде орналасқан бес қабатты тұрғын үйдің төртінші қабатындағы пәтерде өрт шықты.
Оқиға орнына Төтенше жағдайлар қызметінің бөлімшелері жедел жетті. Құтқару жұмыстары барысында баспалдақ арқылы 6 адам, оның ішінде бір бала қауіпсіз жерге эвакуацияланды.
Сондай-ақ өрт шыққан пәтерден мүмкіндігі шектеулі ер адам құтқарылды. Медициналық тексеруден кейін ол ауруханаға жеткізілді.
Өрт 2 шаршы метр аумақта толық сөндірілді. Зардап шеккендердің жағдайы туралы қосымша ақпарат жарияланған жоқ.
Ең оқылған:
- АҚШ Иранға жаңа соққылар жасауға дайын екенін мәлімдеді
- Пәкістан Ауғанстанға әуе соққыларын жасады: Екі ел арасындағы шиеленіс қайта күшейді
- АҚШ әскері танкерге соққы жасады: Үш үнді теңізшісі із-түзсіз жоғалып кетті
- Қазақстанда үй бағасы төмендеуі мүмкін
- Нигерияда тырысқақ өршіп тұр: 74 адам қайтыс болды