Павлодарда өрт сөндірушілер газ баллонын алып шықты

Павлодар облысының өрт сөндірушілері газ баллонын алып шықты, деп хабарлайды BAQ.KZ.

Төтенше жағдайлар министрлігінің мәліметінше, бүгін түнде Атамекен кентінің жеке тұрғын үйлерінің бірінде жартылай құлаған шатырдың жануы орын алды.

Құтқарушылар өрттен көлемі 27 литр газ баллонын шығарды. ТЖМ күштерімен өрт 90 шаршы метр алаңда жойылды. Зардап шеккендер жоқ, - делінген хабарламада.

Өрттің себебі анықталып жатыр.