Павлодарда 25 жастағы тұрғын көпірден Усолка өзеніне секіріп, суға батып кете жаздады, деп хабарлайды BAQ.KZ Pavlodarnews.kz-ке сілтеме жасап.
Өңірлік ТЖД-ның мәліметінше, құтқарушылар су айдынын патрульдеу кезінде батып бара жатқан қызды байқап, дереу көмекке ұмтылған. Жедел-құтқару жасағының мамандары қызға жүзіп жетіп, оны қауіпсіздік қайығына шығарып алды.
Ол ыстық ауа райында шомылғысы келіп, өз күшін дұрыс бағаламаған. Мұндай жағдайда қайғылы жағдайға тап болу қаупі өте жоғары, - деді ведомство өкілдері.
Құтқарылған қыз мән-жайды анықтау үшін полиция қызметіне тапсырылды.
Төтенше жағдайлар қызметі азаматтарды рұқсат етілмеген жерлерде шомылмауға және судағы қауіпсіздік ережелерін қатаң сақтауға шақырады.
