Нұр-Сұлтан, BAQ.KZ. Павлодар облысында коронавирус инфекциясын жұқтырған 8 адам да бұрын COVID-19 вирусы анықталған адамдармен байланыста болған. Бұл туралы Мемлекеттік комиссияның шұғыл штабы хабарлады.
COVID-19-ды Екібастұз қаласының 8 тұрғыны жұқтырғаны белгілі болды, оның ішінде 1940 жылы туылған ер адам және 1947, 1966, 1968, 1990, 1992 жылы туылған бес әйел адам бар. Сондай-ақ коронавирус инфекциясын кәмелет жасына толмаған 2013 жылғы қыз бала мен 2014 жылғы ұл бала жұқтырған, - делінген хабарламада.
Барлық науқастар өздеріне дейін COVID-19 вирусы анықталған адамдармен байланыста болған.
Барлық жағдай бойынша байланыс жасаған адамдар тобы анықталып, оларды оқшаулау жұмыстары жүргізіліп жатыр. Эпидемияға қарсы шаралар қолға алынған.
23 сәуірде сағат 22:40-тағы жағдай бойынша Павлодар облысында коронавирус инфекциясымен ауырған 58 адам тіркелген.
Барлық жағдай бойынша байланыс жасаған адамдар тобы анықталып, оларды оқшаулау жұмыстары жүргізіліп жатыр. Эпидемияға қарсы шаралар қолға алынған.
23 сәуірде сағат 22:40-тағы жағдай бойынша Павлодар облысында коронавирус инфекциясымен ауырған 58 адам тіркелген.
