Нұр-Сұлтан, BAQ.KZ. Қостанай облысы бойынша Қылмыстық-атқару жүйесі департаменті мекемесінің отряд басшысы пара алғаны үшін сотталды.
Қостанай облысының Сыбайлас жемқорлыққа қарсы қызметі сыбайлас жемқорлық қылмысын жасағаны үшін күдікті деп танылған Қостанай облысы бойынша Қылмыстық-атқару жүйесі департаментінің Қостанай қаласы 161/2 Комитет басқармасы мекемесінің отряд басшысы әділет майоры А. Айытовқа қатысты сотқа дейінгі тергеуді аяқтады.Ол сотталған адамға тыйым салынған заттарды мекеме аумағына кіргізгені үшін 30 мың теңге көлемінде пара алған.
Ағымдағы жылдың 23 желтоқсанында Қостанай қаласының №2 сотының үкімімен А.А. Айытовқа 900 мың теңге көлемінде айыппұл салынды.
Айытов мемлекеттік қызметте лауазым атқару құқығынан өмір бойына және «әділет майоры» арнайы атағынан айырылды.
