Нұр-Сұлтан, BAQ.KZ. Нидерланд астанасы Амстердамда қойылым кезінде ресейлік екі акробат биіктен құлады. Бұл туралы ANP агенттігіне сілтеме жасап ТАСС жазады.
Агенттіктің ақпаратына сүйенсек, қойылым Карре корольдік театрында болған. Ресейлік әртістер – ер адам мен әйел – "Аспан періштелері" қойылымында өнер көрсетіп жатқан. Қойылым продюсері Хенк ван дер Мейденнің сөзіне қарағанда, қойылымның басты ерекшелігі – акробаттардың трюкты қорғаусыз орындауы.Акробаттар 10 метрлік биіктен құлаған. Құлаған кезде әйел адам ер адамның астында қалып қойған. Қазір екеуі ауруханаға жеткізілді. Алдын ала ақпаратқа сүйенсек, акробаттардың біреуінің жарақаты өте ауыр.
Келеңсіз жағдайдан кейін, қойылым тоқтатытылып, көрермендер сыртқа шығарылған.
