Бір жасар қыздың анасы Алматы қаласындағы №2 қалалық балалар клиникалық аурухананың хирургтарына кіндіктен бөліндіге, іштің айналасындағы терінің тітіркенуіне, мацерациясына шағымдармен жүгінген, деп хабарлайды BAQ.KZ.
Аурухананың баспасөз қызметінің мәліметінше, диагнозды тексеру үшін қуықтың ультрадыбыстық зерттеуі, цистография жасалды. Зерттеп-қарау нәтижесінде балада урахустың толық емделмегені анықталды.
Қуық-кіндік жыланкөзі, ол кіндіктен несептің тұрақты бөлінуімен көрінді. Жоспарлы операциялық емдеу ұсынылады. Операцияның бұл түрі МӘМС шеңберінде орындалады, деп хабарлады №2 МҚКА баспасөз қызметі.
"Урахус-бұл несепағар, ол әдетте эмбриодық кезеңде ғана болады және қуықтың жоғарғы бөлігін кіндікбаумен байланыстырады.
Жатырішілік кезеңнің шамамен 5-7 айында оның бітелуі жүреді. Алайда, белгілі бір жағдайларда түтік қабаттаспайды, нәтижесінде оның ауытқулары пайда болады. Бұл жатырішілік кезеңдегі облитерация процесінің бұзылуымен байланысты өте сирек кездесетін туа біткен патология. Хирургиядағы 30 жылдан астам тәжірибемде мен осындай 3 жағдайды ғана кездестірдім", - деп түсіндірді №2 МКАД хирургиялық бөлімшесінің меңгерушісі Марат Қаптағаев.
Хирург бұл патологиямен қабыну асқынуларының алдын алуға мүмкіндік беретін хирургиялық емдеу көрсетілгенін атап өтті. Бұл локализацияланған қабыну процесінің дамуына, іштің алдыңғы қабырғасының іріңді қабынуына (абсцесс), қайталанатын циститке және кистаның пайда болуына әкелуі мүмкін. Толық фистуламен консервативтік емдеу тиімсіз.
Құрамында №2 МККА тәжірибелі хирургтары мен анестезиологтары М.Қаптағаев, Е. Маханов және Т. Юсуповтан тұратын операциялық топ хирургиялық араласуды сәтті орындады – 30 минуттың ішінде несеп шығару жолы түбегейлі алып тасталды және баланы осы аномалиядан біржола құтқарды.
