Өскемендік оқушылар антисептик шашатын робот ойлап тапты
22 Мамыр, 17:41 707

Өскемендік оқушылар антисептик шашатын робот ойлап тапты

Нұр-Сұлтан, BAQ.KZ. Өскемен қаласында биылғы балалар жылына орай оқушылар мен студенттер арасында IT-фестиваль өтті, деп хабарлады altaynews.kz.

«New generation» деп аталатын фестивальде облыстың түкпір-түкпірінен мектеп оқушылары мен колледж, университет студенттері қатысты. Білім саласындағы ауқымды ІТ-көрмеде балалар мен жастар өз жобаларын көрсетіп, ой-пікір, тәжірибе алмасты.

Бүгін фестивальде өз жобамызды – антисептик шашатын роботты ұсынып отырмыз. Ол датчик арқылы жұмыс істейді, қазақ тілінде еркін сөйлейді және коронавирус инфекциясының алдын алу туралы нұсқаулар береді. Қазір бұл роботты мектебімізге орнатып қойдық, –дейді Оралхан Бөкей атындағы №44 лицей-мектебінің оқушылары Ділназ Нәбиолда және Дияс Ермұханбетов.

Қатысушылар 6 бағыт бойынша өз жұмыстарын ұсынды, атап айтқанда «Kids Skills», «Maker Fest», «Junior Skills», «Startup-жобалар», «Robotime», «ClusterPro». Олардың ішінде қауіпсіздікті ұйымдастыруға, ойын ойнауға, оқытуға қатысты жоба жасағандар болды.

Фестиваль барысында ғылыми ойын-сауық алаңы ұсынылды. Мұнда келушілер заманауи технологиялар саласындағы соңғы жетістіктермен танысуға мүмкіндік алды.


Фото: дереккөз
Загрузка...