Өскемен. Қарғын суға қарсы тұрар қауқар қалай?

27 Ақпан 2019, 18:01
2384
Бөлісу:
Өскемен. Қарғын суға қарсы тұрар қауқар қалай?
PHOTO

Өскемен, BAQ.KZ тілшісі. «Көктем-2019» республикалық командалық оқу-жаттығулар аясында дайындықтарын пысықтаған облыс орталығының құтқарушылары жаттығу орны ретінде өткен жылы қарғын судан тұрғын үйлері ең көп зардап шеккен Меновное ауылын таңдап алды.

Өскемен. Қарғын суға қарсы тұрар қауқар қалай?

Синоптик мамандардың хабарлауынша, ақпанның соңы, наурыздың басын ала өңірде күн күрт жылынатын көрінеді. 

Өскемен. Қарғын суға қарсы тұрар қауқар қалай?

Осы себепті мамандар үшін бүгінгі күнгі басты мақсат — аяқ астынан орын алатын апатты жағдайдың алдын алу.

Өскемен. Қарғын суға қарсы тұрар қауқар қалай?

«Оқу-жаттығу өткізілген учаске өткен жылғы жағдайды зерделей отырып таңдап алынды. Өткен жылы Меновное ауылының осы бөлігінде 27 тұрғын үй мен 68 аула тасқын судан зардап шеккен болатын. Осы себепті біз оқу-жаттығуды тәжірибемен ұштастыра отырып жүргізудеміз. Қазіргі уақытта төтенше жағдайлар қызметі көктемгі су тасқынына сақадай сай. Өскемен қаласы әкімдігімен осы бағытта бірлескен іс-шаралар жоспарын жасап, бекіттік», - деді Өскемен қалалық ТЖБ басшысы Андрей Андрейко.

Өскемен. Қарғын суға қарсы тұрар қауқар қалай?

Оқу-жаттығуға заманауи техникалар жұмылдырылып, үйлерін су басты деген тұрғындар қауіпсіз жерге көшірілді. 

Өскемен. Қарғын суға қарсы тұрар қауқар қалай?

Тұрғын үй-коммуналдық шаруашылық қызметінің техникалары қар мен қоқыс бітеген арықтарды тазалап, Ұлттық Ұлан жауынгерлері 200 қап құм мен инертті материалды жағалауға төседі.

Өскемен. Қарғын суға қарсы тұрар қауқар қалай?

«Өткен жылы үйіміздің жанындағы арықтың көпірі бітеліп, көтерілген су ауламызға түгелдей жайылып кетті. Үйдің жертөлесіне дейін кірген судан аяқ алып жүру мүмкін болмай қалған еді. Балаларымыз үйден мүлдем шықпады. Биыл арықтың арнасы тазаланып, көпірі жөнделсе игі болар еді», - дейді Меновное ауылының тұрғыны Жақсыгелді Оқапов.

Өскемен. Қарғын суға қарсы тұрар қауқар қалай?

Қоса кетсек, бұл жолғы оқу-жаттығуларға барлығы 16 техника мен жеке құрамның 66 қызметкері жұмылдырылды.

Өскемен. Қарғын суға қарсы тұрар қауқар қалай?

Шара соңында қатысушылар бір уақытта 60 зардап шегушіні қабылдайтын «Үлбі» медициналық-әлеуметтік мекемесінде болып қайтты.

Өскемен. Қарғын суға қарсы тұрар қауқар қалай?

 Азамат ТЕМІРБЕКОВ

Фото: Өскемен қалалық ТЖБ

Өзгелердің жаңалығы