Нұр-Сұлтан, BAQ.KZ. АҚШ президенті Дональд Трамп G20 саммитіне сапар барысында Солтүстік Корея басшысы Ким Чен Ынмен кездеспейтінін мәлімдеді.
«Мен бірнеше адаммен кездесемін. Бірақ онымен емес. Дегенмен онымен сөйлесу үшін түрлі мүмкіндік болады», - деді Трамп журналистерге.
G20 саммиті Жапонияның Осака қаласында 28-29 маусымда өтеді. Дональд Трамп РФ президенті Владимир Путинмен кездеседі.
27-28 ақпанда Ханойда АҚШ және КХДР арасында екі күндік саммиті өтті. Оның қорытындысында тараптар келісімге келе алмады.
